ইজৰাইল আৰু ইৰাণৰ মাজত বহু বছৰৰ পৰা ৰাজনৈতিক আৰু সামৰিক উত্তেজনা চলি আহিছে। Middle East অঞ্চলত এই দুয়োটা দেশৰ স্বাৰ্থ আৰু নীতি প্ৰায়ে একে নহয়। ইজৰাইলে ভাবে যে ইৰাণৰ বৃদ্ধি পোৱা সামৰিক শক্তি আৰু পৰমাণু কাৰ্যসূচী তেওঁলোকৰ বাবে ডাঙৰ বিপদ হ’ব পাৰে। আনহাতে ইৰাণে বহু বছৰ ধৰি ইজৰাইলৰ নীতিৰ বিৰোধিতা কৰি আহিছে আৰু অঞ্চলটোৰ কিছুমান গোটক সমৰ্থন দিয়ে যিসকলে ইজৰাইলৰ বিপক্ষে থাকে। এই কাৰণতে দুয়ো দেশৰ মাজত প্ৰত্যক্ষ যুদ্ধ কম দেখা যায় যদিও গোপন অভিযান, চাইবাৰ আক্ৰমণ আৰু সামৰিক সংঘাত প্ৰায়ে ঘটে।

এই সংঘাতত আমেৰিকাৰ ভূমিকাও যথেষ্ট গুৰুত্বপূর্ণ। আমেৰিকা বহু বছৰ ধৰি ইজৰাইলৰ এটা শক্তিশালী মিত্ৰ হিচাপে পৰিচিত। আমেৰিকায়ে ইজৰাইলক সামৰিক সহায়, আধুনিক প্ৰযুক্তি আৰু ৰাজনৈতিক সমৰ্থন দিয়ে। আমেৰিকাৰ মতে ইৰাণৰ সামৰিক নীতি আৰু পৰমাণু কাৰ্যসূচী Middle East-ৰ স্থিতিশীলতাৰ বাবে বিপদজনক হ’ব পাৰে। এই কাৰণতে আমেৰিকাই ইৰাণৰ ওপৰত বহু সময়ত অৰ্থনৈতিক নিষেধাজ্ঞা আৰু ৰাজনৈতিক চাপ প্ৰয়োগ কৰিছে।

২০২৬ চনত এই উত্তেজনা আৰু বেছি বৃদ্ধি পায়। ইজৰাইলে আৰু আমেৰিকায়ে মিলি ইৰাণৰ কিছুমান গুৰুত্বপূর্ণ সামৰিক ঠাইত আক্ৰমণ চলায়। এই আক্ৰমণৰ উদ্দেশ্য আছিল ইৰাণৰ মিছাইল ব্যৱস্থা আৰু সামৰিক ক্ষমতা দুৰ্বল কৰা। এই ঘটনাৰ সময়তে ইৰাণৰ সর্বোচ্চ নেতা আয়াতুল্লা আলি খামেনেইক হত্যা কৰা হয়। খামেনেইয়ে ১৯৮৯ চনৰ পৰা ইৰাণৰ সৰ্বোচ্চ নেতা আছিল আৰু দেশখনৰ আটাইতকৈ শক্তিশালী ৰাজনৈতিক আৰু ধৰ্মীয় নেতা হিচাপে পৰিচিত আছিল। তেওঁ সামৰিক বাহিনী, বিদেশ নীতি আৰু বহু গুৰুত্বপূর্ণ সিদ্ধান্তৰ ওপৰত শেষ সিদ্ধান্ত ল’ব পাৰিছিল।

তেওঁৰ মৃত্যুৱে ইৰাণত ডাঙৰ ৰাজনৈতিক প্ৰভাৱ পেলায়। দেশখনত শোকৰ পৰিবেশ সৃষ্টি হয়। ইৰাণৰ নেতাসকলে এই আক্ৰমণক কঠোৰ ভাষাত নিন্দা কৰে আৰু কয় যে ইয়াৰ প্ৰতিশোধ লোৱা হ’ব। তাৰ পিছত ইৰাণে ইজৰাইলৰ কিছুমান লক্ষ্যৰ ওপৰত মিছাইল আৰু ড্ৰোন আক্ৰমণ চলায়, যাৰ ফলত Middle East অঞ্চলত উত্তেজনা আৰু বৃদ্ধি পায়।

এই পৰিস্থিতিয়ে সমগ্ৰ অঞ্চলটোক অস্থিৰ কৰি তুলিছে। ইৰাণৰ সৈতে সম্পৰ্ক থকা কিছুমান সংগঠন, যেনে হাজবল্লা আৰু হামাচ, ইজৰাইলৰ বিপক্ষে পদক্ষেপ ল’ব পাৰে বুলি ভয় কৰা হৈছে। সেইবাবে বহু দেশ আৰু আন্তর্জাতিক সংগঠনে এই পৰিস্থিতি লৈ চিন্তা প্ৰকাশ কৰিছে আৰু দুয়ো পক্ষক শান্তি আৰু আলোচনা বজাই ৰাখিবলৈ আহ্বান জনাইছে।

ইজৰাইল আৰু ইৰাণৰ মাজত বৃদ্ধি পোৱা সংঘাত Middle East অঞ্চলৰ বাবে এক ডাঙৰ চিন্তাৰ বিষয় হৈ উঠিছে। আমেৰিকাৰ অংশগ্ৰহণ আৰু আয়াতুল্লাৰ মৃত্যুৱে এই পৰিস্থিতিক আৰু জটিল কৰি তুলিছে। আগন্তুক সময়ত এই সংঘাত শান্তি আৰু কূটনৈতিক আলোচনাৰ জৰিয়তে সমাধান হ’ব নে ডাঙৰ যুদ্ধলৈ পৰিণত হ’ব, সেয়া এতিয়াও অনিশ্চিত।