শতিকাজুৰি মানুহক আকৰ্ষিত কৰি অহা এক পুৰণি ৰহস্য হৈছে 'Noah’s Ark'। এতিয়া ২০২৬ চনত পুনৰ এই প্ৰাচীন কাহিনী চৰ্চাৰ কেন্দ্ৰলৈ আহিছে। তুৰস্কৰ মাউণ্ট আৰাৰাটৰ ওচৰত থকা এখন বিশাল নাওৰ দৰে ভূ-গঠনত গৱেষকসকলে radar scanning, drilling আদিৰে মাটিৰ তলৰ অনুসন্ধান আৰম্ভ কৰিছে। ছ’চিয়েল মিডিয়াত ইতিমধ্যে “Noah’s Ark has been found” বুলি বিভিন্ন দাবী ভাইৰেল হৈছে। কিন্তু প্ৰকৃততে এতিয়ালৈকে কি পোৱা গৈছে? ই সঁচাকৈয়ে উদ্ধাৰ হ’ল নেকি?

উত্তৰটো জানিবলৈ প্ৰথমে বুজি ল’ব লাগিব, Noah’s Ark আচলতে কি।

Noah’s Ark কি?

'Noah’s Ark' হৈছে বাইবেলৰ Book of Genesis-ত উল্লেখ থকা এক বিখ্যাত প্ৰাচীন কাহিনীৰ কেন্দ্ৰবিন্দু। কাহিনী অনুসৰি, সেই সময়ত পৃথিৱীত অন্যায় আৰু পাপ বৃদ্ধি পাইছিল। ঈশ্বৰে 'Noah' নামৰ এজন সৎ ব্যক্তিক এক ভয়ংকৰ বানপানী আহিব বুলি সতৰ্ক কৰি এখন বিশাল নাও নিৰ্মাণ কৰিবলৈ নিৰ্দেশ দিছিল। এই নাওখনেই 'Noah’s Ark' নামেৰে পৰিচিত। বাইবেলৰ বৰ্ণনা অনুসৰি, তেওঁ নিজৰ পৰিয়ালৰ সৈতে নাওখনত আশ্ৰয় লৈছিল আৰু বিভিন্ন জীৱ-জন্তুকো নাওখনত স্থান দিয়া হৈছিল। তাৰ পাছত এক বিশাল বানপানীয়ে পৃথিৱী প্লাৱিত কৰে।

পানী কমিবলৈ আৰম্ভ কৰাৰ পাছত Noah-ই বাহিৰত শুকান মাটি ওলাইছে নে নাই জানিবলৈ চৰাই উৰুৱাইছিল। কাহিনীটোত এটা কপৌ (dove) ঠোঁটত পাত লৈ উভতি অহাৰ কথা উল্লেখ আছে। ইয়াৰ অৰ্থ আছিল যে পানী কমিছে আৰু পুনৰ স্থলভাগ দেখা দিবলৈ আৰম্ভ কৰিছে।

পিছত নাওখন এটা পৰ্বতৰ অঞ্চলত ৰৈ যোৱাৰ কথা কোৱা হয়।

এই কাহিনীত ৰামধেনুক ঈশ্বৰ আৰু নোহাৰ মাজৰ এক প্ৰতিশ্ৰুতিৰ প্ৰতীক হিচাপে বৰ্ণনা কৰা হৈছে। সেইবাবেই Noah’s Ark-ৰ কাহিনী কেৱল বানপানী আৰু এখন নাওৰ কাহিনী নহয়, বৰং বহু লোকৰ বাবে ই বিশ্বাস, জীৱন ৰক্ষা আৰু নতুন আৰম্ভণিৰ প্ৰতীক।

তেন্তে Noah’s Ark ক’ত আছিল বুলি বিশ্বাস কৰা হয়?

বাইবেলৰ Genesis-ত নাওখন “mountains of Ararat” অঞ্চলত ৰৈছিল বুলি উল্লেখ আছে। এই কথাৰ সৈতে তুৰস্কৰ পূব অংশত থকা মাউণ্ট আৰাৰাট অঞ্চলক বহু বছৰ ধৰি সংযোগ কৰা হৈছে।

মাউণ্ট আৰাৰাটৰ ওচৰতে আছে Durupınar Formation নামৰ এক অস্বাভাৱিক ভূ-গঠন। ওপৰৰ পৰা চালে ইয়াৰ আকৃতি এখন বিশাল নাওৰ দৰে দেখা যায়।

এই কাৰণেই বহু দশক ধৰি কিছুমান গৱেষক আৰু Noah’s Ark-ৰ সন্ধানত থকা লোকসকলে এই স্থানটো নোহাৰ নাওৰ সম্ভাৱ্য অৱশেষ বুলি সন্দেহ কৰি আহিছে।

Durupınar Formation কি?

Durupınar Formation তুৰস্কৰ Ağrı Province-ৰ Doğubayazıt অঞ্চলত অৱস্থিত। ইয়াৰ দৈৰ্ঘ্য প্ৰায় ১৫৭ মিটাৰ আৰু ইয়াৰ আকৃতি নাওৰ দৰে।১৯৫৯ চনত তুৰস্কৰ সেনাৰ Captain İlhan Durupınar-এ বিমানৰ পৰা তোলা ছবিত এই অদ্ভুত গঠনটো লক্ষ্য কৰিছিল। তাৰ পাছৰ পৰাই স্থানটো Noah’s Ark-ৰ সৈতে জড়িত হৈ পৰে। কিন্তু এটা গুৰুত্বপূৰ্ণ কথা হ’ল, এই গঠনটো নাওৰ দৰে দেখা যায় বুলিয়েই ই এখন প্ৰাচীন নাও বুলি প্ৰমাণ নহয়। বহু বছৰ ধৰি এই গঠনটো প্ৰাকৃতিক ভূতাত্ত্বিক প্ৰক্ৰিয়াৰ ফল নে মানৱ-নিৰ্মিত কোনো প্ৰাচীন গঠন, সেই লৈ বিতৰ্ক চলি আহিছে।

২০২৬ চনত আকৌ কিয় চৰ্চালৈ আহিল?

২০২৬ চনত Durupınar Formation-ত এটা নতুন আৰু অধিক বিস্তৃত বৈজ্ঞানিক অনুসন্ধান আৰম্ভ কৰা হৈছে। Sivas Cumhuriyet University-ৰ archaeology বিভাগৰ Professor Dr. Cenker Atila-ৰ নেতৃত্বত এই গৱেষণা চলিছে। প্ৰকল্পটোৱে তুৰস্কৰ সংশ্লিষ্ট কৰ্তৃপক্ষৰ অনুমোদন লাভ কৰিছে আৰু Noah’s Ark Scans নামৰ গৱেষণা সংস্থাইও ইয়াত সহযোগিতা কৰিছে।

এইবাৰৰ অনুসন্ধানত কেৱল ওপৰৰ পৰা ছবি তোলা নহয়। মাটিৰ তলত কি আছে জানিবলৈ আধুনিক প্ৰযুক্তি ব্যৱহাৰ কৰা হৈছে।

ইয়াৰ ভিতৰত আছে:

- Ground-Penetrating Radar বা GPR

- Electrical Resistivity Tomography

- LiDAR আৰু 3D mapping

- Soil sampling

- Core drilling

- Underground camera আৰু robotic exploration

Radar scan-ত কি পোৱা গ’ল?

গৱেষকসকলে Durupınar Formation-ৰ মাটিৰ তলত radar scan চলাইছিল। তেওঁলোকৰ preliminary findings অনুসৰি, কিছুমান ঠাইত পোন ৰেখা, সমকোণীয়া pattern, layered structures আৰু underground voids ধৰা পৰিছে। কিছুমান গৱেষকে এই underground anomalies-সমূহক সম্ভাৱ্য corridor বা chamber-ৰ সৈতে তুলনা কৰিছে। কিন্তু ইয়াতো সাৱধান হোৱাটো প্ৰয়োজন। Radar image-এ কোনো গঠনক Noah’s Ark বুলি প্ৰমাণ নকৰে। প্ৰাকৃতিক ভূতাত্ত্বিক গঠনতো এনে pattern বা cavity থাকিব পাৰে। সেয়েহে গৱেষকসকলে এতিয়া physical samples সংগ্ৰহ কৰি সেইবোৰ laboratory-ত পৰীক্ষা কৰি আছে।

মাটিৰ তলৰ পৰা কি নমুনা পোৱা গৈছে?

২০২৬ চনৰ অনুসন্ধানৰ সময়ত বিভিন্ন স্থানৰ পৰা মাটিৰ নমুনা সংগ্ৰহ কৰা হৈছে। গৱেষণা দলৰ মতে, Durupınar Formation-ৰ কিছুমান soil sample-ত ওচৰৰ সাধাৰণ মাটিতকৈ প্ৰায় তিনিগুণ বেছি organic matter পোৱা গৈছে। এই তথ্যটো আকৰ্ষণীয় যদিও, ইয়াৰ অৰ্থ এইটো নহয় যে সেই organic matter নাওৰ কাঠৰ পৰা আহিছে। Organic matter মাটিত বিভিন্ন প্ৰাকৃতিক কাৰণতো থাকিব পাৰে। সেয়েহে ইয়াৰ উৎস জানিবলৈ laboratory analysis প্ৰয়োজন।

এতিয়া Core Drilling কিয় কৰা হৈছে?

এইবাৰৰ অনুসন্ধানৰ আটাইতকৈ গুৰুত্বপূৰ্ণ পৰ্যায় হৈছে core drilling। গৱেষকসকলে মাটিৰ তললৈ drilling কৰি বিভিন্ন গভীৰতাৰ পৰা continuous core sample উলিয়াইছে। গৱেষণা দলৰ মতে, কিছুমান drilling প্ৰায় ১৮ মিটাৰ গভীৰতালৈ গৈছে। এই নমুনাবোৰ laboratory-লৈ পঠিয়াই composition, organic material আৰু geological layers পৰীক্ষা কৰাৰ পৰিকল্পনা কৰা হৈছে।

Drill bit ভাঙি যোৱাৰ ঘটনাটো কি?

ছেপ্টেম্বৰত drilling-ৰ সময়ত এটা drill bit এটা অতি কঠিন স্তৰত গৈ ভাঙি যোৱাৰ খবৰো প্ৰকাশ পাইছিল। এই কঠিন স্তৰটো মাটিৰ তলত প্ৰায় ৪–৫ মিটাৰ গভীৰতাত পোৱা বুলি গৱেষণা দলৰ ফালৰ পৰা কোৱা হৈছে। গৱেষণা দলটোৱে অনুমান কৰিছে যে ই হয়তো petrified বা অত্যন্ত mineralised wood হ’ব পাৰে। কিন্তু এইটো এতিয়াও নিশ্চিত হোৱা নাই। অৰ্থাৎ, drill bit ভাঙি যোৱা মানেই তলত Noahৰ নাওৰ কাঠ পোৱা গৈছে বুলি ক’ব নোৱাৰি। Laboratory test-এহে সেই পদাৰ্থটো প্ৰকৃততে কি, সেয়া নিৰ্ধাৰণ কৰিব পাৰিব।

মাটিৰ তলত ৰ'বটো পঠিওৱা হৈছে

গৱেষকসকলে মাটিৰ তলৰ সৰু opening-সমূহ পৰীক্ষা কৰিবলৈ GOPHER নামৰ এটা বিশেষ underground robot ব্যৱহাৰ কৰাৰ পৰিকল্পনা কৰিছে। এই robot-টোক সৰু borehole-ৰ মাজেৰে পঠিয়াব পৰা যায়। ইয়াত কেমেৰা আছে, যাৰ সহায়ত মানুহে সহজে প্ৰৱেশ কৰিব নোৱাৰা মাটিৰ তলৰ স্থানসমূহ পৰ্যবেক্ষণ কৰাৰ চেষ্টা কৰা হৈছে।

ইয়াৰ উদ্দেশ্য হৈছে radar-ত দেখা anomalies-সমূহৰ প্ৰকৃত ৰূপ বুজি পোৱা।

তেন্তে Noah’s Ark সঁচাকৈয়ে বিচাৰি পোৱা গ’ল নেকি?

নাই, এতিয়ালৈকে Noah’s Ark বিচাৰি পোৱা বুলি বৈজ্ঞানিকভাৱে নিশ্চিত হোৱা নাই।

বৰ্তমানৰ অনুসন্ধানত আকৰ্ষণীয় কিছুমান তথ্য পোৱা গৈছে:

নাওৰ দৰে ১৫৭ মিটাৰ দীঘল ভূ-গঠন

মাটিৰ তলত ৰাডাৰত ধৰা পৰা অস্বাভাৱিকতা

কিছুমান ভূগৰ্ভস্থ খালী স্থান

জৈৱিক পদাৰ্থ থকা মাটি

অজ্ঞাত কঠিন ভূগৰ্ভস্থ স্তৰ

কোৰ ড্ৰিলিং আৰু নমুনা সংগ্ৰহ

কিন্তু এই সকলো তথ্য এতিয়াও তদন্তাধীন।

Reuters Connect-এ প্ৰকাশ কৰা ২৯ ছেপ্টেম্বৰৰ অনুসন্ধান-সম্পৰ্কীয় প্ৰতিবেদনতো স্পষ্ট কৰা হৈছে যে এই গৱেষণাই এতিয়ালৈকে Durupınar Formation-ত Noah’s Ark-ৰ অৱশেষ আছে বুলি প্ৰতিষ্ঠা কৰা নাই।

আগলৈ কি হ’ব?

এতিয়া আটাইতকৈ গুৰুত্বপূৰ্ণ হ’ব laboratory analysis।মাটিৰ তলৰ পৰা সংগ্ৰহ কৰা core আৰু soil sample-সমূহ বিশ্লেষণ কৰি গৱেষকসকলে জানিবলৈ চেষ্টা কৰিব:

- organic material-টো প্ৰকৃততে কি?

- ইয়াৰ বয়স কিমান?

- কাঠ বা উদ্ভিদজাত পদাৰ্থৰ কোনো প্ৰমাণ আছে নেকি?

- মাটিৰ তলৰ cavity-সমূহ প্ৰাকৃতিক নে মানৱ-নিৰ্মিত?

- radar-ত দেখা structure-সমূহৰ প্ৰকৃত ব্যাখ্যা কি?

২০২৬ চনৰ গৱেষণাৰ ফলাফলৰ অধিক বিস্তৃত analysis ২০২৭ চনত প্ৰকাশ কৰাৰ লক্ষ্য আছে বুলি প্ৰকল্পটোৱে জনাইছে।

বিশ্বাস বনাম বৈজ্ঞানিক প্ৰমাণ

'Noah’s Ark' বহু ধৰ্মীয় পৰম্পৰাৰ বাবে এক গুৰুত্বপূৰ্ণ কাহিনী। কিন্তু কোনো এটা স্থানক Ark বুলি ঘোষণা কৰিবলৈ কেৱল নাওৰ দৰে আকৃতি বা radar image যথেষ্ট নহয়। বৈজ্ঞানিকভাৱে কোনো দাবী শক্তিশালী কৰিবলৈ physical evidence, laboratory analysis, আৰু independent scientific reviewৰ প্ৰয়োজন। সেইবাবেই বৰ্তমান Durupınar Formation-ক লৈ হোৱা অনুসন্ধানক এটা চলি থকা বৈজ্ঞানিক তদন্ত হিচাপেহে দেখা উচিত।

শেষত

হাজাৰ হাজাৰ বছৰ পুৰণি Noah’s Ark-ৰ কাহিনীয়ে আজিও মানুহৰ কৌতূহল জীয়াই ৰাখিছে। তুৰস্কৰ Durupınar Formation-ৰ অস্বাভাৱিক আকৃতিয়ে সেই কৌতূহলক আৰু অধিক বৃদ্ধি কৰিছে। ২০২৬ চনৰ নতুন অনুসন্ধানৰ বিশেষত্ব হৈছে, এইবাৰ গৱেষকসকলে কেৱল ওপৰৰ পৰা দেখা আকৃতিৰ ওপৰত নিৰ্ভৰ কৰা নাই। তেওঁলোকে মাটিৰ তলত radar scan কৰিছে, drilling কৰিছে, physical samples সংগ্ৰহ কৰিছে আৰু underground technology ব্যৱহাৰ কৰিছে।

কিন্তু এতিয়ালৈকে “Noah’s Ark found” বুলি কোৱাৰ দৰে চূড়ান্ত বৈজ্ঞানিক প্ৰমাণ নাই। সেয়েহে এই মুহূৰ্তত ৰহস্যৰ আটাইতকৈ সঠিক উত্তৰ হ’ল— 'Noah's Ark'পোৱা গৈছে বুলি প্ৰমাণ হোৱা নাই। কিন্তু তুৰস্কৰ সেই অদ্ভুত ভূ-গঠনৰ তলত কি আছে, সেই প্ৰশ্নৰ উত্তৰ বিচাৰি অনুসন্ধান এতিয়াও চলি আছে।