ড° ৰূপা ডেকা পাটৰ অসমৰ প্ৰথম "বিহু সম্ৰাজ্ঞী" আছিল, যিয়ে ১৯৮৫ চনত লতাশিল বিহু সন্মিলনত এই উপাধি লাভ কৰিছিল। তেওঁ গুৱাহাটী কমাৰ্চ কলেজৰ সহযোগী অধ্যাপক হিচাপে অসমীয়া বিভাগত কাৰ্য্যনিৰ্বাহ কৰিছে। তেওঁ টিৱা জাতিৰ গৌৰৱ হিচাপেও পৰিচিত।তেওঁ গুৱাহাটী বিশ্ববিদ্যালয়ৰ অসমীয়া বিভাগত টিৱা জনগষ্টিৰ সমাজ আৰু সংস্কৃতিৰ ওপৰত পিএইচডি ডিগ্ৰী লাভ কৰিছিল।

নুনমাটিত জন্ম গ্ৰহণ কৰা ৰূপা ডেকাই সাংস্কৃতিকভাবে সমৃদ্ধ পৰিৱেশত ডাঙৰ হৈছিল, য’ত সৰুৰে পৰাই তেওঁৰ প্ৰতিভা গঢ় লৈ উঠিবলৈ আৰম্ভ কৰিছিল। ৰূপাৰ মাতৃ, উপমা ডেকা, যি তেওঁক পাঁচ বছৰ বয়সতে 'সত্ৰীয়া' নৃত্যৰ প্ৰশিক্ষণ দিয়াৰ আৰম্ভণি কৰিছিল। অতি কম সময়তে তেওঁৰ সকলোৰে আকৰ্ষণৰ পাত্ৰ হৈছিল। সপ্তম শ্ৰেণীত থাকোঁতেই 'ঢোলীয়া ওজা' - দিলীপ গগৈ নিজে তেওঁক বিচাৰি আহিছিল আৰু তেওঁক তেওঁৰ গোট 'জনত শিল্পী সংঘ'ত যোগ দিয়াৰ বাবে অনুৰোধ কৰিছিল। এইদৰে আৰম্ভ হৈছিল ৰাজ্যজুৰি বিভিন্ন বিহুতলিত তেওঁৰ মনোমোহা 'বিহু' নৃত্যৰে লোকৰ হৃদয় জয় কৰাৰ যাত্ৰা।

তেওঁৰ মূল প্ৰশিক্ষণ 'সত্ৰীয়া' নৃত্যত হৈছিল, সেইয়ে বিহু নৃত্যত তাৰ প্ৰতিফলন দেখা গৈছিল। তেওঁ এনেধৰণৰ কঠোৰ প্ৰশিক্ষণ লৈছিল যে  দেহ প্ৰায় পুতলাৰ দৰে হৈ পৰিছিল। তেওঁৰ মাতৃ-পিতৃয়ে সদায় তেওঁক উৎসাহিত কৰিছিল।

ভৱিষ্যতে যি সমূহ গৌৰৱ আৰু উপাধি তেওঁ অৰ্জন কৰিব বুলি কল্পনাও কৰা নাছিল, সেই সকলোৰে আৰম্ভণি হৈছিল ১৯৮০ চনত 'আজৰা'ত অনুষ্ঠিত 'বিহু কঁৱৰী' প্ৰতিযোগিতাত। প্ৰথমবাৰ তেওঁ তাত খিতাপ জিকিছিল। 

তেওঁৰ প্ৰথম 'বিহু কুঁৱৰী' খিতাপৰ পাছত, চহৰৰ প্ৰায় সকলো বিহুত অংশ লৈ একেৰাহে খিতাপ জিকিছিল। 'চানমাৰী', 'নুনমাটি', 'ভৰলুমুখ' বা আন যিকোনো 'বিহুতলি' হওক, সকলো খিতাপত তেওঁৰ নাম খোদিত হৈ পৰিল। কিছুমান বিহুত তেওঁ একাধিকবাৰ খিতাপ লাভ কৰিছিল।

পিছত ১৯৮৫ চনত 'গুৱাহাটী বিহু সন্মিলনী'য়ে প্ৰথমবাৰৰ বাবে বিহুৰ আটাইতকৈ ডাঙৰ উপাধি 'বিহু সম্ৰাজ্ঞী'' প্ৰতিযোগিতাৰ আয়োজন কৰিলে আৰু ১৫ বছৰ বয়সত তেওঁ প্ৰায় ৫০ জন প্ৰতিযোগীৰ মাজৰ পৰা বিজয়ী হৈ ইতিহাস গঢ়িলে।