১৯৫৮ চনৰ ১৭ জানুৱাৰীত নলবাৰী জিলাৰ হাতীকুচিত জন্মগ্ৰহণ কৰা নুৰুদ্দিন আহমেদ এজন অগ্ৰণী মঞ্চ সজ্জাকাৰ, ভাস্কৰ্য শিল্পী আৰু কলা নিৰ্দেশক হিচাপে পৰিচিত। কিন্তু তেওঁৰ ঐতিহ্য কেৱল মঞ্চতে সীমাবদ্ধ নহয়, তেওঁৰ শিল্প পৱিত্ৰ আৰু উৎসৱমুখৰ দুয়ো ক্ষেত্ৰতেই সহজে প্রবাহিত হয়।

যুৱকালৰ পৰা অসমৰ বিভিন্ন নাটক-চিনেমা-ভাস্কৰ্য শিল্পৰে জড়িত তেওঁ ২০০১-২০০৩লৈ ক্ৰমাগতভাৱে দিল্লীৰ গণৰাজ্য দিৱসত অসমৰ প্ৰতীকপটৰো নিৰ্মাতা। সূক্ষ্ম নক্সাৰে সজোৱা মন্দিৰৰ মূৰ্তিৰ পৰা আৰম্ভ কৰি ভব্য দুৰ্গা পূজাৰ প্ৰতিমালৈকে, তেওঁৰ সৃষ্টি ভক্তি, শিল্পদক্ষতা কলাৰ এক প্ৰতীক। আধ্যাত্মিক প্ৰেৰণা হওক বা উৎসৱৰ উল্লাস,তেওঁৰ কামত গভীৰ সাংস্কৃতিক প্ৰতিধ্বনি দেখা যায়।

২০০৩ চনত নিৰ্মিত প্ৰতীক পটৰ বাবে দ্বিতীয় পুৰস্কাৰ লাভ কৰিছিল নুৰুদ্দিন আহমেদে। ২০১৭চনত সংগীত নাটক একাডেমী বঁটাৰে সন্মানিত হৈছিল নুৰুদ্দিন আহমেদ।অসম সাহিত্য সভাৰ কলা ৰত্ন সন্মানেৰে সন্মানিত নুৰুদ্দিন আহমেদ ২০২৫চনত গুৰুজী আদ্য শৰ্মা বঁটাৰে সন্মানিত হৈছিল। ১০০ ফুট ওখ বাঁহৰ দুৰ্গা প্ৰতিমা সাজি লিমকা আৰু গিনিজ ৱৰ্ল্ড ৰেকৰ্ডছৰ গৰাকী নুৰুদ্দিন আহমেদ।বিগত ৫০ বছৰে নিৰ্মাণ কৰি আহিছে দেৱ-দেৱীৰ মৃন্ময় মূৰ্তি। তেওঁ ভ্ৰাম্যমাণ থিয়েটাৰত আকৰ্ষণীয় মঞ্চ সজ্জাৰে খ্যাতি অৰ্জন কৰিছিল। সমুদ্ৰ মন্থন, ‘টাইটানিক’, ‘ডাইনোছৰ’, ‘চুনামী’ৰ দৰে নাটক জীৱন্ত হৈছিল নুৰুদ্দিন আহমেদৰ কলা নিৰ্দেশনাৰে।

৫০ বছৰতকৈ অধিক দীঘলীয়া তেওঁৰ অসাধাৰণ কেৰিয়াৰত, তেওঁ হাজাৰ হাজাৰ প্ৰদৰ্শনৰ বাবে বহুতো ডিজাইন কৰিছে, যিয়ে অসম আৰু ভাৰতৰ শিল্প জগতক সমৃদ্ধ কৰিছে।তেওঁৰ অমূল্য অৱদানৰ বাবে তেওঁ ২০১৭ চনত সংগীত নাটক একাডেমি বঁটা আৰু ২০২৬ চনত পদ্মশ্ৰীসহ বহুতো সন্মান লাভ কৰিছে।

তথ্য সংগৃহীত