সাৱধান! কাৰণ বিশ্বৰ ভিতৰতে অন্যতম প্ৰদূষিত চহৰৰ দ্বিতীয় স্থানতে আছে গুৱাহাটী।উত্তৰ পূৱৰ চহৰ সমূহতো গাড়ী মটৰৰ বৰ্ধিত ব্যৱহাৰ, কল কাৰখানা স্থাপন আৰু দ্ৰুত নগৰীকৰণৰ কাৰণে বৃদ্ধি পাইছে প্ৰদূষণ। চুইজাৰলেণ্ডৰ বায়ুৰ গুণাগুণ নিৰীক্ষণ সংস্থা আইকিউএয়াৰে কৰা এক জৰীপত পোহৰলৈ আহিছে এই ভয়ংকৰ তথ্য। শেহতীয়া প্ৰতিবেদনত বিশ্বৰ বিভিন্ন চহৰত বায়ু প্ৰদূষণৰ মাত্ৰা সম্পৰ্কে আতংকজনক পৰিসংখ্যা প্ৰকাশ পাইছে। ‘World Air Quality Report 2023’ অনুসৰি গুৱাহাটীক দ্বিতীয় সৰ্বাধিক প্ৰদূষিত চহৰ হিচাপে স্থান দিয়া হৈছে। 

প্ৰতিবেদনত ভাৰতৰ একাধিক চহৰত বায়ু প্ৰদূষণৰ মাত্ৰা যথেষ্ট বৃদ্ধি পোৱাৰ ওপৰত আলোকপাত কৰা হৈছে। বিহাৰৰ বেগুছৰাইয়ে বিশ্বৰ ভিতৰতে সৰ্বাধিক প্ৰদূষিত চহৰ,য’ত বাৰ্ষিক গড় পিএম২.৫ ঘনত্ব বিশ্ব স্বাস্থ্য সংস্থাৰ নিৰ্দেশনাতকৈ বহু বেছি। তাৰ পিছতে গুৱাহাটী, দিল্লী, মুলনপুৰ আৰু পাকিস্তানৰ লাহোৰে শীৰ্ষ পাঁচখন স্থানত স্থান লাভ কৰে। 

 দ্বিতীয়স্থানত আছে গুৱাহাটী আৰু তৃতীয় স্থানত আছে ৰাজধানী দিল্লী। ইয়াৰ বিপৰীতে চতুৰ্থস্থানত আছে মল্লাপুৰ আৰু পঞ্চমস্থানত লাহোৰ(পাকিস্তান)। গুৱাহাটীত ২০২২ চনৰ পৰা ২০২৩ চনৰ ভিতৰত প্ৰতি ঘনমিটাৰত পিএম২.৫ৰ ঘনত্ব ৫১ৰ পৰা ১০৫.৪ মাইক্ৰ’গ্ৰামলৈ দুগুণ বৃদ্ধি পোৱা দেখা গৈছে। কাৰণসমূহ কেইবাটাও কাৰকৰ বাবেই হ’ব পাৰে, য’ত সমগ্ৰ চহৰখনতে নিৰ্মাণ কাৰ্য বৃদ্ধি পোৱাৰ ফলত ধূলি প্ৰদূষণ বৃদ্ধি পোৱাৰ লগতে ৰাজপথত অধিক সংখ্যক যান-বাহন চলাচল কৰে। একেদৰে দিল্লীতো পিএম২.৫ৰ ঘনত্ব বৃদ্ধি পোৱা দেখা গৈছে।এই প্ৰতিবেদনত বায়ুৰ গুণাগুণৰ ক্ষেত্ৰত ভাৰতৰ সামগ্ৰিক স্থানৰ ওপৰতো আলোকপাত কৰা হৈছে, ২০২৩ চনত ভাৰতক বাংলাদেশ আৰু পাকিস্তানৰ পিছতে তৃতীয় সৰ্বাধিক প্ৰদূষিত দেশ হিচাপে স্থান দিয়া হৈছে। পূৰ্বৰ বছৰৰ ৰেংকিঙৰ তুলনাত ইয়াৰ ফলত এক উদ্বেগজনক উত্থান ঘটিছে।উল্লেখ্য যে, ১৩৪ খন দেশত কৰা জৰীপ অনুসৰি বিশ্বৰ প্ৰদূষিত ১০০ খন চহৰৰ ৯৯ খনেই এছিয়াৰ। আনহাতে ২০২৩ চনত বিশ্বৰ প্ৰদূষিত শীৰ্ষ ৫০ খন চহৰৰ ৪২ খন ভাৰতৰ।আনহাতে ২০২৩ চনত বিশ্বৰ প্ৰদূষিত শীৰ্ষ ৫০ খন চহৰৰ ৪২ খন ভাৰতৰ।

বায়ু প্ৰদূষণৰ ওপৰত হোৱা ক্ষতিকাৰক প্ৰভাৱৰ ওপৰত আলোকপাত কৰি প্ৰতিবেদনত উল্লেখ কৰা হৈছে যে, "বিশ্বজুৰি প্ৰতি ৯ জন লোকৰ ভিতৰত এজনৰ আনুমানিক মৃত্যুৰ কাৰণ হোৱাৰ বাবে বায়ু প্ৰদূষণেই হৈছে মানুহৰ স্বাস্থ্যৰ প্ৰতি পৰিৱেশৰ সৰ্বাধিক ভাবুকি। বিশ্ব স্বাস্থ্য সংস্থাৰ (WHO) তথ্য অনুসৰি বায়ু প্ৰদূষণ প্ৰতি বছৰে বিশ্বজুৰি সাত মিলিয়ন অকাল মৃত্যুৰ অনুমান কৰা হৈছে।"

প্ৰতিবেদনত কোৱা হৈছে, "পিএম২.৫ বায়ু প্ৰদূষণৰ সংস্পৰ্শলৈ আহিলে হাঁপানী, কেন্সাৰ, ষ্ট্ৰোক, হাওঁফাওঁৰ ৰোগকে ধৰি অসংখ্য স্বাস্থ্যজনিত অৱস্থাৰ সৃষ্টি হয় আৰু তীব্ৰতৰ হৈ পৰে। ইয়াৰ উপৰিও উচ্চ মাত্ৰাৰ সূক্ষ্ম কণিকাৰ সংস্পৰ্শলৈ আহিলে শিশুৰ জ্ঞানমূলক বিকাশত বাধাৰ সৃষ্টি হ'ব পাৰে, মানসিক ৰোগ হ'ব পাৰে।" স্বাস্থ্যজনিত সমস্যা, আৰু ডায়েবেটিছকে ধৰি বৰ্তমানৰ ৰোগসমূহ জটিল কৰি তোলে,”।