09 December, Mon 2024
আমাৰ সকলোৰে প্ৰিয় ‘শ্বাহৰুখ খান’ৰ কিছু নজনা তথ্য
0 Like
0.0
आज भी जब मैं काम करता हूं तो मुझे सिर्फ यही है कि जितने लोग मेरी फिल्म देखें उनको खुशी हो, क्योंकि सचमुच जो मुझे मिला है, मुझे ऐसा नहीं लगता कि मैं उसका हकदार हूं, और उस हक को पाने के लिए कोशिश में, मैं जिंदगी भर काम करता रहूंगा। जब एक दिन मुझे लगे, इतना अच्छा काम किया है कि आप लोगो ने मुझे इतना प्यार दिया उसका हक जो है, सही मायने में मेरा बनता है - शाहरूख खान
বলীউডৰ অন্যতম ছুপাৰষ্টাৰ শ্বাহৰুখ খান,
নামেই যাৰ পৰিচয়। আমাৰ সকলোৰে প্ৰিয় শ্বাহৰুখ খান কঠোৰ পৰিশ্ৰমৰ অন্তত নিজৰ কৰ্মৰ
যোগেদি আজি সমগ্ৰ পৃথিৱীতে নিজৰ নাম উজলাইছে। ৰোমান্টিক চৰিত্ৰই হওক বা নেতিবাচক
ভূমিকাই হওক, তেওঁৰ অনুৰাগীসকলে
তেওঁৰ দুয়োটা চৰিত্ৰই অতিশয় ভাল পায়। আজি তেওঁৰ ৫৭তম জন্মবাৰ্ষিকী। যদিও কিং খানৰ
বিষয়ে সকলোৱে জানে, কিন্তু কিছু কথা আপোনালোকে
হয়তো নাজানিবও পাৰে সেইয়ে এই লেখনিৰ জৰিয়তে তেওঁৰ বিষয়ে কিছু তথ্য তলত দিয়া হৈছে -
- ১৯৬৫ চনৰ ২ নৱেম্বৰত দিল্লীৰ এটা মুছলমান পৰিয়ালত শ্বাহৰুখ খানৰ জন্ম হৈছিল। ১৯৪৮ চনত ভাৰত বিভাজনৰ পিছত তেওঁৰ পিতৃ মিৰ তাজ দিল্লীলৈ উভতি আহিছিল আৰু ১৯৫৯ চনত লতিফ ফাতিমাৰ সৈতে বিবাহপাশত আবদ্ধ হৈছিল। ১৯৬৫ চনত শ্বাহৰুখ খানৰ জন্মৰ পিছত তেওঁৰ আইতাকে তেওঁৰ নাম আব্দুল ৰছিদ খান ৰাখিছিল। জীৱনৰ প্ৰথম পাঁচ বছৰ ককা-আইতাকৰ সৈতে কটায়। তাৰপিছত দিল্লীত থকা পিতৃ-মাতৃৰ ওচৰলৈ উভতি অহাৰ পিছতে দেউতাকে তেওঁৰ নাম সলনি কৰি শ্বাহৰুখ খান ৰাখে।
- ‘দীৱানা’ ছবিখন শ্বাহৰুখ খানৰ প্ৰথম ছবি বুলি জনা যায় যদিও বহুতে নাজানে এই ছবিখনৰ পূৰ্বে ১৯৮৯ চনত মুক্তি পোৱা ‘In Which Annie Gives It Those Ones' নামৰ এখন ইংৰাজী টেলিফিল্মৰ জৰিয়তে চলচ্চিত্ৰত আত্মপ্ৰকাশ কৰিছিল। এই ছবিখনত তেওঁ সমকামীৰ চৰিত্ৰত অভিনয় কৰিছিল। এইখন আছিল এখন টিভি চিনেমা, যিখন মাত্ৰ এৰাতিৰ বাবে দূৰদৰ্শনত প্ৰচাৰিত হৈছিল। ইয়াৰ পিছত ছবিখন কেতিয়াও কোনো প্লেটফৰ্মত মুক্তি নাপালে।
- শ্বাহৰুখ খানৰ প্ৰথম দৰমহা আছিল ৫০ টকা যিটো তেওঁ দিল্লীত পংকজ উদাছৰ কনচাৰ্টত কাম কৰি উপাৰ্জন কৰিছিল। সেই টকাৰে তেওঁ আগ্ৰালৈ ৰেলত উঠি তাজমহল চাবলৈ গৈছিল।
- বহু আশা লৈ যেতিয়া কিং খান মুম্বাইলৈ আহিছিল, তেতিয়া তেওঁৰ থাকিবলৈ ঠাই নাছিল। তেতিয়া তেওঁৰ সহযোগী অভিনেতা বিভেক ভাছৱানীৰ সৈতে বাস কৰিছিল, যিয়ে পিছলৈ তেওঁৰ সৈতে ৰাজু বন গয়া জেন্টলমেন আৰু জ’ছ ছবিত অভিনয় কৰিছিল আৰু লগতে শ্বাহৰুখ খানক পৰিচালক আৰু প্ৰযোজকক লগ পোৱাত সহায় কৰিছিল।