নাগালেণ্ডৰ কিছামা গাঁও উত্তৰ-পূর্ব ভাৰতৰ অন্যতম প্ৰসিদ্ধ আৰু সুন্দৰ পৰ্যটনস্থল৷ নাগালেণ্ডৰ কোহিমা জিলাত অৱস্থিত এই গাওঁখন দৰ্শনীয় পৰ্বতমালা, সেউজ বননি আৰু আকর্ষণীয় সংস্কৃতিৰে পৰিপূৰ্ণ। এই গাঁওখন নাগালেণ্ডৰ চাখেছাঙ (Chakhesang) জনজাতিৰ আৱাসস্থান, আৰু ইয়াত তেওঁলোকৰ পৰম্পৰাগত কৃষ্টি-সংস্কৃতিৰ সমাহাৰ ঘটে। কিছামাৰ নামকৰণ দুখন গাঁৱৰ পৰা উদ্ভৱ হৈছে যথা কিগৱেমা (কে আই) আৰু ফেছামা(এছ এ) আৰু এম এ যাৰ অৰ্থ গাঁও, যাৰ ভূমিত নগা ঐতিহ্য গাঁও প্ৰতিষ্ঠা কৰি নাগালেণ্ড ৰাজ্য চৰকাৰে পৰিচালনা কৰিছে।

কোহিমাৰ পৰা প্ৰায় ১০ কিলোমিটাৰ দূৰত্বত অৱস্থিত নগা ঐতিহ্য গাঁওখনে প্ৰকৃতিৰ এক সুন্দৰ আৰু আনন্দময় আৰু মানুহৰ আতিথ্য প্ৰদান কৰে। পৰ্যটনৰ প্ৰসাৰৰ বাবে স্থায়ী কৰি ৰখা আৰু ৰক্ষণাবেক্ষণৰ বাবে এক উমৈহতীয়া পৰিচালনা পদ্ধতি আৰু বিস্তৃত তথ্যৰ ভিত্তি স্থাপন কৰি সকলো জনগোষ্ঠীয় সাংস্কৃতিক ঐতিহ্যক সুৰক্ষা আৰু সংৰক্ষণ কৰাটোৱেই হৈছে ঐতিহ্য গাঁৱৰ উদ্দেশ্যে। কিছামা গাঁওখনৰ অন্যতম বিশেষত্ব হ'ল ইয়াৰ পৰম্পৰাগত নাগা কৃষ্টি-সংস্কৃতি। এই গাঁওখনত নাগালেণ্ডৰ চাখেছাঙ জনজাতিৰ গাঁথনি, নৃত্য, গীত আৰু পৰম্পৰাগত ধৰ্মবিশ্বাসৰ ধাৰাবাহিকতা দেখা যায়। গাঁওখনত পৰম্পৰাগত ভাৱে "মোৰং" নামৰ এটি সম্প্ৰদায়িক দেৱালৰ অৱস্থিতি আছে, য'ত গাঁওবাসীসকলে বিভিন্ন অনুষ্ঠান,আৰু আকৰ্ষণীয় পৰম্পৰাগত সভা অনুষ্ঠিত কৰে। এই গাঁৱৰ সকলো মুৰব্বী আৰু বৃদ্ধসকল মোৰঙত মিলিত হয় আৰু ইয়াত পৰম্পৰাগত সভাসমূহৰ আয়োজন কৰে।

চাখেছাঙসকলৰ পৰম্পৰাগত পোছাক, অস্ত্ৰশস্ত্ৰ আৰু সৰঞ্জামৰ সম্ভাৰ কিছামাত পোৱা যায়। বিশেষকৈ পুৰণি যুঁজাৰু সজ্জা, আৰু হস্তনিৰ্মিত সামগ্ৰী, যিয়ে এই জনজাতিক পৃথক ৰূপত পৰিচিত কৰি তোলে। কিছামাত বহু সাংস্কৃতিক উৎসৱৰ অনুষ্ঠিত হয়।তাৰে মাজত হৰ্ণবিল উৎসৱ আটাইতকৈ বিখ্যাত। হৰ্ণবিল উৎসৱ নাগালেণ্ডৰ এটি প্ৰসিদ্ধ উৎসৱ, য'ত বিভিন্ন জাতি, গোষ্ঠী আৰু পৰম্পৰা একত্ৰিত হৈ প্ৰতিটো গোষ্ঠীৰ পৰম্পৰা, সৃষ্টিশীলতা আৰু একতাৰ নিদৰ্শন দাঙি ধৰে। ১ ডিচেম্বৰৰ পৰা আৰম্ভ হৈ ১০ ডিচেম্বৰৰ পৰ্যন্ত চলা এই উৎসৱত চাখেছাঙসকলে পৰম্পৰাগত নৃত্য আৰু গীতৰ দ্বাৰা নিজৰ সৃষ্টিশীলতা প্ৰদৰ্শন কৰে। তদুপৰি, হস্তনিৰ্মিত সামগ্ৰী আৰু সজাসজ্জাৰ মেলাও অনুষ্ঠিত হয়। ইয়াত উপস্থিত পৰ্যটকসকলে নাগালেণ্ডৰ বিভিন্ন খাদ্য-সম্ভাৰো উপভোগ কৰিব পাৰে।

কিছামা গাঁওক প্ৰায়ে "জীৱন্ত জাদুঘৰ" বুলি কোৱা হয়, কাৰণ ইয়াত নাগালেণ্ডৰ মুঠ পৰম্পৰাগত জীৱন আৰু সংস্কৃতিৰ সংমিশ্ৰণ দেখিবলৈ পোৱা যায়। গাঁওখনত বিভিন্ন ঐতিহ্যবাহী ঘৰ পৰ্যটকৰ বাবে মুক্ত হৈ আছে, যিয়ে তেওঁলোকক চাখেছাঙৰ জীয়াই থকা জীৱন আৰু পৰম্পৰাত জীৱনক দৰ্শাই। পৰ্যটকে চাখেছাঙৰ ঐতিহ্যবাহী ঘৰত ৰাতি কটাব পাৰিব পাৰে আৰু স্থানীয় মানুহৰ সৈতে মিলিত হৈ তেওঁলোকৰ জীৱনধাৰাৰ সঁচা ৰূপত অভিজ্ঞতাৰ আনন্দ ল'ব পাৰে।এই অঞ্চলৰ পৰ্বতৰ পৰা সূৰ্যোদয় আৰু সূৰ্যাস্তৰ মনোমোহা দৃশ্য উপভোগ কৰিব পাৰি। তদুপৰি, পাহাৰৰ কোলাত বহি অৱস্থিত বিভিন্ন ধৰণৰ উদ্ভিদ আৰু জীৱ-জন্তুৰ সমাহাৰে এই স্থানখনক প্ৰাকৃতিক সৌন্দৰ্যৰ এটি ৰত্নত পৰিণত কৰিছে। গাওঁখনৰ পৰা প্ৰায় ১৫ কিঃমিঃ দূৰত্বত জপফু আৰু কেদজু নামৰ দুটা শৃংগৰো পৰ্যটকসকলে ভ্ৰমণ কৰে। এই শৃংগবোৰ হৈছে পৰ্যটন আৰু পৰ্বতৰোহনৰ বাবে যথেষ্ট উপযোগী স্থান। নাগা পৰম্পৰাগত খাদ্যৰ বৈচিত্ৰ্য দেখা পোৱা যায়।

যদি আপুনি কিছামা গাঁও ভ্ৰমণৰ পৰিকল্পনা কৰিছে, তেন্তে শীতকাল (ডিচেম্বৰ-মাৰ্চ) হৈছে সৰ্বোত্তম সময়। এই সময়ছোৱাত বতৰৰ সোৱাদ অতি আনন্দদায়ক হয়। তদুপৰি, হৰ্ণবিল উৎসৱৰ সময়ছোৱাত ভ্ৰমণ কৰাত বিশেষ আনন্দ পাব।