ভাৰতৰ আন সকলো ঠাইৰ দৰে অসমতো উৎসৱ উদযাপন ৰাইজৰ বাবে অতি প্ৰয়োজনীয় কাৰণ ইয়াত জনসাধাৰণৰ মাজত একতা আৰু ইতিবাচকতাৰ মনোভাৱ সন্নিবিষ্ট কৰা হয়। সাংস্কৃতিক বৈচিত্ৰ্যৰ বাবে ভাৰত সুপৰিচিত আৰু সমগ্ৰ ৰাজ্যতে সকলো ধৰ্ম, জাতি আৰু ধৰ্মৰ লোকে উৎসৱ পালন কৰিবলৈ সমবেত হয়।বিভিন্ন জাতি-জনগোষ্ঠীৰ মিলনভূমি অসম। অসমত বাস কৰা প্ৰতিটো জাতি-জনগোষ্ঠীয়ে জাতি-ধৰ্ম-বৰ্ণ নিৰ্বিশেষে অতি উলহ-মালহেৰে তেওঁলোকৰ উৎসৱসমূহ পালন কৰে।অসমৰ ৰাইজে সচৰাচৰ উদযাপন কৰা কেইটামান উৎসৱৰ বিষয়ে জানোঁ আহক।

বিহু

বিহু অসমীয়াৰ জাতীয় উৎসৱ। অসমীয়া জাতীয় জীৱনৰ প্ৰাণ-স্পন্দন স্বৰূপ বিহুটিয়েই অসমৰ ঐতিহ্য আৰু অসমীয়াৰ পৰিচয়৷ চ’ত মাহৰ দোমাহীৰ দিনা গৰু বিহুৰে আৰম্ভ হৈ ক্ৰমে, মানুহ বিহু, গোঁসাই বিহু, তাঁতৰ বিহু,নাঙলৰ বিহু, চেনেহী বা জীয়ৰী আৰু শেষৰ দিনা চেৰা বিহুৰে ব'হাগ বিহুৰ সাত বিহুৰ অন্ত পৰে। আনহাতে, আহিন আৰু কাতি মাহৰ সংক্ৰান্তিৰ দিনা কাতি বিহু পালন কৰা হয়।এই বিহুত ঘৰে ঘৰে তুলসীৰ পুলি ৰূই তাৰ তলত আৰু পথাৰত চাকি জ্বলাই শস্য শ্যামলা হ’বলৈ প্ৰাৰ্থনা কৰা হয়।পুহ আৰু মাঘৰ দোমাহীৰ দিনা মাঘ বিহু পতা হয়। খেতি চপোৱাৰ পাছতে এই বিহু পালন কৰা হয় বাবেই ইয়াক ভোগৰ উৎসৱ ভোগালী বুলিও কোৱা হয়।

চাহ উৎসৱ 

বিশ্বৰ অন্যতম বৃহৎ চাহ উৎপাদনকাৰী অসমত প্ৰতি বছৰে এই কৃতিত্ব উদযাপনৰ বাবে এক বিশেষ উৎসৱৰ আয়োজন কৰা হয়। নৱেম্বৰ মাহত তিনিদিন পালন কৰা এই চাহ মহোৎসৱ বিশ্বৰ চাহৰ ৰাজধানী হিচাপে পৰিচিত যোৰহাট চহৰত উদযাপন কৰা হয়। এই উৎসৱৰ মূল কেন্দ্ৰবিন্দু হৈছে অসমৰ চাহ উৎপাদনৰ ক্ষেত্ৰত প্ৰামাণ্যতাক উদযাপন কৰা। অসমীয়া চাহৰ জৈৱিক আৰু শক্তিশালী সুগন্ধিৰ লগতে দৰ্শনাৰ্থীৰ বাবে চাহৰ সোৱাদ আৰু প্ৰদৰ্শনীৰ লগতে ৰসাল সেউজীয়া চাহৰ বাগিচাবোৰৰ চাৰিওফালে ভ্ৰমণৰ ব্যৱস্থা কৰা হয়।

মাজুলী উৎসৱ

অসম ভ্ৰমণৰ সৰ্বোত্তম সময় সম্ভৱত মাজুলী উৎসৱ উদযাপনৰ সময়ত, কাৰণ সুন্দৰ আৰু প্ৰাণৱন্ত ৰঙে আপোনাক অভিভূত কৰিব। মাজুলী দ্বীপৰ ব্ৰহ্মপুত্ৰ নদীৰ পাৰত উদযাপন কৰা সাংস্কৃতিক কাৰ্যকলাপ এই উৎসৱৰ মূল মুখাৱয়ব। এই উৎসৱৰ সময়ত দেশৰ বিভিন্ন প্ৰান্তৰ পৰা লোকে নিজৰ সৃষ্টিশীল প্ৰতিভা প্ৰদৰ্শন কৰিবলৈ মাজুলীলৈ আহে। স্থানীয় হস্তশিল্প, খাদ্য আৰু নৃত্য প্ৰদৰ্শনে এই সুন্দৰ উৎসৱৰ সাক্ষী হোৱা সকলোকে মোহিত কৰে।

বৈশাগু

বৈশাগু হৈছে বড়ো জনগোষ্ঠীৰ উৎসৱ।বৈশাগু হৈছে নৱৰ্বষৰ আৰম্ভণি।এই উৎসৱ চ’ত মাহৰ শেষৰ দিনাৰ পৰা ব’হাগ  মাহৰ ষষ্ঠদিনালৈ মুঠ সাতদিন ধৰি পালন কৰা হয়। বৈশাগু ব’হাগ বিহুৰ সৈতে যথেষ্ট মিল আছে।সঙ্গীত আৰু নৃত্যও বৈশাগুৰ অভিন্ন অঙ্গ। ডেকাসকলে চিফুং (বাঁহী), খাম (ঢোল), চেৰেন্দা, থোৰকা (টকা) বজায় আৰু গাভৰুসকলে সমূহীয়াকৈ বৈশাগু নাচে।

অম্বুবাচী মেলা 

গুৱাহাটীত অৱস্থিত দেশৰ অন্যতম শক্তিপীঠ কামাখ্যা দেৱালয়ত প্ৰতি বছৰেই অম্বুবাচী মেলা অনুষ্ঠিত হয়।দেশৰ ভিন্ন প্ৰান্তৰ অগনণ সাধু-সন্যাসীৰ এই মেলা মূলত এক হিন্দু সমাৱেশ। অসমীয়া আহাৰ মাহ অৰ্থাৎ ইংৰাজী জুন মাহত চাৰিদিনীয়াকৈ অনুষ্ঠিত হয়।অসমীয়া লোকসকলে অম্বুবাচীৰ এই সময়ছোৱাক ‘সাত লগা’ বুলিও কয়।জনমত অনুসৰি, এই কেইদিনত মা কামাখ্যা ঋতুস্ৰাৱ হয়।অম্বুবাচীৰ প্ৰবৃত্তিৰ লগে লগে কামাখ্যা ধামৰ দুৱাৰ বন্ধ ৰখা হয়। সেইকেইদিন দেৱীৰ দৰ্শন নিষিদ্ধ ৷ চতুৰ্থ দিনত মন্দিৰ খোলাৰ লগে লগে দেৱীৰ স্নান, পূজা, প্ৰভৃতি সমাপন হোৱাৰ পৰাহে ভক্তই দেৱীক দৰ্শন কৰিব পাৰে ৷

মে ডাম মে ফি

মে ডাম মে ফি হ’ল টাই আহোমসকলৰ এক আহোম ধৰ্মৰ নিয়ম অনুসৰি পালন কৰা সামাজিক পৰম্পৰাগত উৎসৱ। এই উৎসৱত আহোমসকলে পূৰ্বপুৰুষ সকলক স্মৰণ কৰে আৰু বিশ্ব শান্তিৰ বাবে কামনা কৰে। এই পৰম্পৰাৰ জৰিয়তে উপৰি-পুৰুষৰ সৈতে অশাৰীৰিক যোগসূত্ৰ স্থাপন কৰি নিজৰ আৰু সমাজৰ তথা দেশৰ মংগলৰ বাবে জন-মিং বা আশীৰ্বাদ বিচৰা হয়। মে-ডাম-মে-ফিৰ অৰ্থ হ’ল মে মানে তৰ্পন, ডাম মানে মৃতক আৰু ফী মানে হ’ল মৃতকৰ দেও। অন্যান্য পৰম্পৰাৰ দৰে মে ডাম মে ফি পালনৰ বাবেও নীতি নিয়ম আছে যাক তাঈ আহোম ভাষাত খ্য়েক-লাই বুলি জনা যায়।